![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Caballers Templers Milites Templi Salomonis | |
---|---|
Recreación d'un caballero templero | |
Información cheneral | |
Nombre oficial | Orden d'os Pobres Caballers de Cristo Caballers d'o Templo de Salomón |
Activa | 1119–1314 |
Fidelidat | Santa Seu |
Tipo | Orden relichiosa y militar |
Grandaria | 15.000 - 20.000 miembros, d'os cuals un 10% yeran caballers.[1][2] |
Insignias | |
Simbolo d'identificación |
![]() |
Cultura y historia | |
Embotada | Orden d'o Temple |
Patrón | Sant Bernal de Claraval |
Lema | Non nobis, Domine, Non Nobis, Sed Nomini Tuo Da Gloriam |
Batallas/guerras | Reconquiesta. Cruzatas: |
A Orden d'o Temple estió una institución medieval de caracter relichioso y militar naixita en a primera cruzata. Fue establita en Cherusalem, en 1118 por nueu caballers franceses, con Hugo de Payens a la cabeza como Gran Mayestre.
En primerías yera oficialment dita Orden d'os Pobres Caballers de Cristo (Pauperes Conmilitones Christi); pero mas tardi fuoron conoixitos comunment como Caballers templers u Caballers d'o Templo de Salomón (Milites Templi Salomonis), denominación surtita dimpués d'instalar-se en l'antigo templo de Salomón. A designación d'Orden d'o Temple ye a traducción a o francés d'a denominación en latín, estando muit estendillata debito a os amplos lazos templers con Francia.
Os caballers templers teneban como distintivo un manto blanco con una cruz ancorada roya sobre él, que o 24 d'abril de 1147 o papa Euchenio III les concedió o dreito a levar permanentment. Yera una cruz sencilla, pero ancorada u patada, que simbolizaba lo martirio de Cristo, de color roya, perque lo royo yera lo simbolo d'a sangre vertida per Cristo, pero tamién d'a vida. La cruz yera colocada en o suya manto sobre lo huembro ezquierdo, dencima d'o corazón. Militarment, os suyos miembros se trobaban entre las unidaz millor entrenadas que participoron en as cruzadas y os miembros no combatents d'a orden chestionoron una complexa estructura economica dentro d'o mundo cristiano. Creoron, mesmo, nuevas tecnicas financieras que constituyen una forma primitiva d'os bancos modernos. A orden, amás, edificó una serie de fortificacions per tota a mar Mediterrania y Tierra Santa.
Felipe IV de Francia, fuertement endeudau con a orden y atemorizau per lo suyo poder creixent, prencipió a presionar a o papa Climent V pa que prenese medidas contra os suyos miembros. Surtioron remors cheneraus arredol d'una secreta ceremonia d'iniciación pagana d'os templarios que creoron una gran desconfianza. En 1307, un gran numero de templarios estioron apresaus, inducius a confesar baixo turmento y cremaus en a foguera. En 1312, Clemente V rebló a las presions de Felipe IV y disolvió la orden. A suya abrupta erradicación dio puesto a especulacions y lechendas que han manteniu vivo dica l'actualidat o nombre y a fama d'os caballers templarios.